Rəhbərlik
Beynəlxalq yük daşınması və gömrük rəsmiləşdirilməsi — vahid komandanın məsuliyyətində. İdxaldan ixraca, sərhəddən təyinata qədər hər mərhələ bizim nəzarətimizdədir.
Logistikadan gömrüyə, Free Zone əməliyyatlarından yük izləməyə qədər — bütün prosesi vahid komanda kimi öz üzərimizə götürürük.
Dünyanın bütün istiqamətlərinə idxal, ixrac və tranzit yük daşınması. Hava, dəniz və quru yolu ilə tam logistika idarəetməsi — marşrutun planlaşdırılmasından çatdırılmaya qədər.
İdxal və ixrac gömrük prosedurları, xüsusi rejimlər: müvəqqəti idxal, müvəqqəti ixrac, emal və tranzit. Bütün sənədləşmə və bəyannamələrin peşəkar hazırlanması.
Ələt Azad İqtisadi Zonasına yüklərin gətirilməsi, saxlanması, ölkəyə idxalı və digər ölkələrə ixracı. Free Zone-un təqdim etdiyi bütün gömrük və vergi üstünlüklərindən tam yararlanma.
Yükünüz harada olursa olsun — real vaxt rejimində məlumat və hər mərhələdə şəffaflıq. Sizinlə daimi əlaqədə qalırıq.
Əməliyyat ofisimiz Heydər Əliyev adına Bakı Beynəlxalq Hava Limanının (GYD) yük terminalında yerləşir. Bu, əməliyyatları birbaşa idarə etməyə imkan verir: ixrac yükləri Bakı Kargo Terminalında bilavasitə öz komandamız tərəfindən qəbul edilir, idxal işlərində isə yüklərin qəbulu və gömrük rəsmiləşdirilməsi daha operativ aparılır. Hava limanında yerləşməyimiz mümkün gecikmə və əməliyyat nüanslarına daha çevik müdaxilə etməyə kömək edir.
EXW-dən DDP-yə qədər bütün beynəlxalq çatdırılma şərtləri üzrə xidmət göstəririk. Hansı şərtin sizə uyğun olduğunu birlikdə müəyyən edir və prosesi tam idarə edirik.
Yük satıcının ərazisində təhvil verilir; bütün daşıma və risklər alıcının üzərindədir.
Yük razılaşdırılmış yerdə daşıyıcıya təhvil verilir.
Yük limanda gəminin yanında təhvil verilir.
Yük gəmiyə yüklənir; bu andan risk alıcıya keçir.
Satıcı təyinat limanına qədər daşıma xərcini ödəyir.
Daşıma və sığorta satıcının üzərində, təyinat limanına qədər.
Satıcı təyinat yerinə qədər daşıma xərcini ödəyir.
Daşıma və sığorta təyinat yerinə qədər satıcının üzərində.
Yük təyinat yerində, boşaldılmamış halda təhvil verilir.
Yük təyinat yerində boşaldılmış halda təhvil verilir.
Satıcı bütün xərcləri, o cümlədən çatdırılmanı təyinat yerinə qədər təmin edir.
Qeyd: Qüvvədə olan qanunvericiliyə əsasən, idxal/ixrac zamanı tətbiq olunan dövlət rüsumları və vergilər müvafiq tərəfin — idxalatçı və ya ixracatçının üzərinə düşür. Hər bir şərtin detallarını sizə ətraflı izah edirik.
Azərbaycanda fəaliyyət göstərən müstəqil yükdaşıma və gömrük brokerliyi şirkəti.
Atlas Logistics logistika və gömrük sahəsində 2012-ci ildən təcrübə qazanan Osman Seyidov və Mikayil Seyidovun bilik, təcrübə və imkanlarını vahid məqsəd ətrafında birləşdirməsi ilə yaradılmışdır.
Məqsədimiz idxal və ixrac proseslərini müştərilərimiz üçün daha sadə və səmərəli etmək, Azərbaycan biznesinə etibarlı və müasir logistika həlləri təqdim etməkdir.
Fəaliyyətimizin əsasında aydın bir prinsip dayanır: yükünüzü dünyanın istənilən nöqtəsinə etibarlı, şəffaf və vaxtında çatdırmaq, daşınma və gömrük proseslərini isə peşəkar şəkildə idarə etmək.
Yükünüz və ya sualınız üçün bizə birbaşa yazın — WhatsApp, telefon və ya e-poçt vasitəsilə ən qısa zamanda cavablandıracağıq.
